Litrato nagalin ong ni khaled. Salamat ta yadi.
Agmalenong banoa...
banoa tang mga ginikanano,
anda ray logar ang magmas pa
ong nio, ang dorog kasinlo.
Asing pagatawo, yaway tokaw ang initao...
ang ka-kawan ang i-yako binasi mo,
pasalamatong dorong pagaitao ong nio,
doroa pala kayag, dorong kasinlo.
Asing lasteko pa pinasinsia mo
tang mga kamaio; sanglit molao,
ginegma nio, sinagod ta osto,
pinapano nio ong mga palad mo
ta masasabor ang kalanen
ang nagalin ong talsi may tanek mo.
Minaelong matandet, maderep;
ong tanan ang trabaho indio ginted,
mabaked tang dolio, palado madamel,
ena-enao mabaked ka, indio pangelel.
Manawao pa ang Mal ang Dios nailalao ra,
nga ang Dios ay gegma, palangga ita nandia,
animan palangga yen, may mga ginikanano,
gapil da tang yen ang masigkataw.
Animan, banoao, monopay pagalipato,
ang dogo atan nailat ong tanek mo,
dogong pirming gogoy ang magbaliko.
Baliedena yen ang pinagalinano,
agod makaboto ka ong palaningano.
Nagalin ong: Ginotay-gotay
ni Peregrina A. Rauto Llavan
banoa tang mga ginikanano,
anda ray logar ang magmas pa
ong nio, ang dorog kasinlo.
Asing pagatawo, yaway tokaw ang initao...
ang ka-kawan ang i-yako binasi mo,
pasalamatong dorong pagaitao ong nio,
doroa pala kayag, dorong kasinlo.
Asing lasteko pa pinasinsia mo
tang mga kamaio; sanglit molao,
ginegma nio, sinagod ta osto,
pinapano nio ong mga palad mo
ta masasabor ang kalanen
ang nagalin ong talsi may tanek mo.
Minaelong matandet, maderep;
ong tanan ang trabaho indio ginted,
mabaked tang dolio, palado madamel,
ena-enao mabaked ka, indio pangelel.
Manawao pa ang Mal ang Dios nailalao ra,
nga ang Dios ay gegma, palangga ita nandia,
animan palangga yen, may mga ginikanano,
gapil da tang yen ang masigkataw.
Animan, banoao, monopay pagalipato,
ang dogo atan nailat ong tanek mo,
dogong pirming gogoy ang magbaliko.
Baliedena yen ang pinagalinano,
agod makaboto ka ong palaningano.
Nagalin ong: Ginotay-gotay
ni Peregrina A. Rauto Llavan
1 comment:
Gademdeman mi si Uncle Steve Quackenbush? [Tenged gamepet da ono, galiagana, uncle steve da lang]. hehehe
Nag-email tanandia ong yaten. Ong Texas tanandia mandian, pero parakaboton ka ong Manila.
Dorong panemdemano ong SIL...
Gegeley ami pa, gogokod-gokod ami ong da uncle steve mga tatalid tanira ong plaza.
Ang eroplano nira, mga kakabot da ngani, lilibot ta ma-tolong beses ba'lo mag-landing, maski may klase pa ong ni Madam, basta mabasi ami ra tang tonog tang eroplano, pamag-contest aming loloa ong kwarto para kumaway ong eroplano.
Ang landingan... mandian ang anda ray lalanding ang eroplano, yaray agdayon ta mga estudyanti para ong excursions nira.
ang mga kantang Agutaynen ang nagalin ong Bibliya, agkantaen amen ong Grade VI, maestra amen si Madam Ruth Baluyot.
Ang Bibliyang Agutaynen, ig doma pang librong Agutaynen.
Da Amanda ni Peter. Siguro nakakayam mi ka tanira sing mamola amo pa.
Yawa, may gademdeman mo kang istorya ong da Uncle Steve? Tara, magistoryan ita...
Post a Comment