AGUTAYA PRIDE IN CUYO

Mintang Santik...

Maski sing gege-ley ami pa, maliban ong Pista ong Cuyo, may tata pang agdayon tang mga kalugudan ta ong banwa...

Ang Pista ong Diit.

Ganing si kalubasing "Santo?"

Ninopang kapistan ngani tang agselebraen ong Diit? Bato si kaman yay ganingen tang classmate ni khaled?

May karnian ong kada kanto! Bato yadi pa kang arangha ong da Lolang Elisa? Si Sir Maning onopa bato ay handa na?

Maambeng ang Pagselebra tang Kapistan tang Diit!

Ang Solteras ong Break Water

Indi mademdemano mga onopang takon bindoat tang break water ang na ong may munisipyon [dati].

Angay bato nagmaningtana ra? Maliag yaning bato paglawig tang sea level animan kinabot da tang break water? Epekto ra bato na tang global warming?

Obin simpleng aritmitik lang ang belag ta masinlong pondasyon tang pagboroaten?

Landingan

"Asia ra tang eriplano!", iteg tang classmate o ong kinder.

Indi pa bibitala si Sir Lean, sumikadan ami ra ong lua tang classroom para tumurong ong eriplano.

Halos tanan ang mamola ong central mitegan, kakaway-kaway, ang doma lulu'to-lu'to pa!

Mandian bato may lalanding pa ka don?

Litrato nagalin ong FB ni Dra. Lei

ANG BOTO MO INDI IPABAKAL MO

Tatang pademdem magalin ong iheart

para ong tanan ang agutaynen.

Labi ra ka enged ong mga kalugudan

ang pamagplanong magbaligya tang

boto nira.

Demdemen mi tang pagkabetang

tang banua.

HI-WAY

Na bato yaray ganingen hi-way ong Algi may Concep?

Litrato nagalin ong fb ni Dra. Lei.

PRIMIRONG BAGAT: PUERTO

Lolong Lalio

Mandian, Agosto 28, kapistan ong Cuyo [San Agustin]...

Ong mga timpong na, lutaw tang Agutayan. Doro-dorong tangay ta ang dadayo ong Cuyo para ong Kapistan ni San Agustin.

Gege-ley ami pa pamista ami ka tengued ong peryan, ong mga ati [purungitan ta anil], may ang mga artista ang pagalin ong Manila.

Nongayna nakampango si Lolong Lalio [Eulalio Cadlaon] ong cellphone. Indi ra masyadong mabasi, 93 ra ono tang edad na. Medyo yaray kamepetan ong banwa.

Ang mola o pa pala, gapalibutano ta mga mepet ong Bancal....

Si Nay Doray ang pirming pagbuat ta amek. Si Tay Vic pirming pamanti.

Si Lolang Candi gademdemano ka ang balay na don ong may Talipapa.

Si Lolang Gorya... may si Tay Iking. Indi nged malipatano tang mepet ang asi, aruman amen ang pagkayam ta tagsing may biagan ta lastiko. Indi paerepen mo, taben ma-indian target a!

Ong boko-boko nira da Nay Ising ni Tay Inyong.

Oman da Nay Tibang, Tay Felix may Nay Tangking.

Oman ang maingal ang si Tay Oloy may ang baston na. Karalawan ami ang panggapang tang indian mango na.

Ang avocado ni Lolong Ca'do. Ang kambing ni Lolang Mili, may ang kending paglebat.

Si Lolong Damian pirming pagpanaw-panaw with matching medyas ang lagem. Indi malipatano ang tine-mao mga onoray oras, ganing tang sabat na, "Alas koting paramoning!"

Si Lolong Angs ang kada may bulang, always present. Kada nged pa-Abagat, molik may bi'bit nang bilan. Si Lolang Pans ang caramel nang malemek.

Si Lolong Omay may si Lolang Emma pirming papanaw ong bukid, agpaning ong Nibagla, Niandaw may Kalolombuyan. Pirming may pasalubong ong yamen ang kasoy, serguillas, lomboy, beteng, atbp. Mga oras ang igperenay, mamag-majong aruman da Long Angs ni Lang Pans.

Namag-migrate da Lolang Mili ni Lolong Ca'do ong San Vicente. Anda ray balita o magimpisa namagalin.

Da Nay Tibang ong Manila ra ka ni Tay Felix.

Timingkaw da da Lolong Damian, Lolang Gorya, Tay Iking, Tay Vic, Nay Doray, Tay Oloy, Nay Tangking may si Tay Inyong.

Asi pa ka ong Bancal si Nay Ising. Ma-sik pa si Lang Panz. Si Long Angs active pa ka kada may bulang.

____________________

INDI AGPABAKAL

C MANINOY

THE COUNTRY MAN:
"ONE STEP AT A TIME"


A.K.A. TANAKA ICHIRO ONG JAPAN....
A.KA. SHEIK BARTER ONG U.A.E.