Teledan da!

Na tang ASFi Pre-School ong lansangan. Si Merilyn "Etey" Solis tang maestra mandian don. May atan ka ong Villa Fria, Villa Sol, Algeciras, Concepcion may Diit. Siguro animan anda pa ong Maracanao may Matarawis ay ge-ley tang papolasyon don.

Onopa enged bato, Matarawis obin Matarawit?

Yadi kang mamolang pagadal ong Foundation [na yang goy nira don ong yaten], maski may programa tang DepEd ang Libreng Belat ong mga public schools [na mandian noodles da medyo. Inayo lamang mga gakabot ka don ong yaten si]. Kaldaw-kaldaw, basta tenled tang mamola, may yolik nirang 1 kilo belat.

Ang eskwelan ang na tang Andres Soriano Foundation don ong abuat tang balay da Madam Susan Tabarangao, tepad tang NAPOCOR. Ong Villa Fria napaningano ra ka, alenget ong may simban. Ang ong Villa Sol, don ong compound tang Barangay Hall.

Maglugod

Nata'liban amen tang tower ang na ong may Ortigas, mintras pagbiyahe ami pa-Batangas para mag-RORO.

Ganing si Kamas: "Ang tower ang asia siguro maglugod tang may nandia. Angay bato bintangan pa nira ta space ong ka-ngan. Sayang si, yadi pang kwartong mabuat."

Angay bato kaman? :-)

Agmalenayen[?]

Onopa ong Agutaynen tang I Love You?

"Tabang, nagke-keb ami!"

istorya ni bucao

Ang napa-let ong ni Uncle Steve, dorwang mapopostora, makokodong ig alalawig ang mga babay. Da Ate Missy ni Ate Gail.

Asing molaw pa, namagbiyahe tanira ong Diit para mamisita. Pumpboat ni Ex-Mayor Edep tang tinayan nira katabid da Daisy Laab, Naida Edep, Ex-Mayor, may si Nong Rey Solis [ang asta napaning ta Manila indi ra nabalik ong Agutayan].

Doro kapalet tang timpo ang asi. Tenged indi pa guso tang cellphone nontokaw, anday medyos para matawanan tang gatabo ong kalalaodan. Labi ra si, may pamanolok ong enasan, nakibot ang may pa-goy ta tabang. Ganing, "Tabang, nagke-keb ami!" Si pala si Ate Gail and Ate Missy. Ang binoat nirang gabayan, container. Nangaboan tang mga aroman nira ong pump boat ang lolotaw-lotaw. Si Nong Rey kiminapay ka rin uno katabid da Ate Missy, kaso nagbalik ong pump boat.

Oman pagaramal ba-lo pinambalikan don ong may pinagke-keban nira. Ba-lo pa nangaolik ta banoa.

Na inistorya lang ong yen ta tatang tangay. Tenged molaw pa sing pagatabo. Kaiteg tang nem tang dorwang Americana diba? Ong pagtetengan da tang Diit may Agutaya si natabo pero nakaya ka nira ang kapayen pabalik ong banoa, ong labing buat.

May istorya ngani don ong yaten ang mga kana uno indi geldan ong mangalok, pero geldan tanira ong kiro.

Yawa, pagpareta ang may mangalok? Naita ra ta lalayog ang kosi? Naita ra ta tanggar? Ta pag-tumbling-tumbling ong kamalingetan? Tara, magistoryan ita..,

Linabog Part II: Patayin sa Sindak

Pinalwa ra talabi tang pilot episode tang SineSerye Presents Patayin sa Sindak Si Barbara. Makaeled kaman. Pinanlekagan no pa!

Pero mas panlekagan amo siguro ong istoryang na ni nibagla. Comment na ong Linabog [previous post].

Istorya ong Linabog

Na matod ang natabo.

Asing mga mid 70's, ang Linabog siminikat ang agpamisikan ta polka shells. Yading Agutaynen ang pamisik ta polka shells dun, oman ag-pabakal.Ag buaten ang mga kulintat (accessories).

May tatang labi, may mga namag-alin dun ong Islang asi medyo namanga labi-yan. Pamagtay tanira ta ge'ley ang pumboat ang di makina ta Briggs. Si Manong Romeo Ponce de Leon (mandian ong Negros da, ana ni Lolang Juani ang Bacosa-Edep, si Tay Pong ang Zabanal (mandian anda ra ong kalibutan ang na) may si Tay Jun Tomas Llanzana (mandian siya ong PEO pag-obra ong Puerto). Sing tempong asi, medyo mag-kolehiyo pa lamang ong Iloilo.
Sing dun da tanira ong sibi tang Linabog, may siminablay da ong kasil tang pumboat nira ang Santermo. Ang emet tang Santermo may aglulwa ang apoy don ong toga tang mata na, orong na, anga na may talinga na. Ang tolong pansitay ong pumboat, indi ra pamag-erebek-ebekan. Kanya kanya ra tanira ta pangadi. Maski iritan nira tang makina o puco-puco-an tang makina, indi ka palbag tang Santermong asi. Asta nasasad tanira atan ong may pantalan, balo pa napalbag tang Santermo.

Pag-olik nira tong balay da Tay Pong, ganing tanira, sibato kalag da ta mga tao ang ga-tabo ong talsi ang pama-dol ta pangadi? SI bato, mangkeb din ong nira? Indi ka masabat nira?

Asta mandian, ag-lekagan no pa mga gademdemano pa tang istoryang asi.

Yamo, may istorya mi tengued ong Linabog? -nibagla



Ang litrato nagalin ong ni khaled. Yading salamat. :-)