India rang pisan minebek-ibek,
asing bo-wanan tang mga boto mo
tang niong doyan.
Nalipatan da ngani nira
tang mga kantang
kinanta mo ong doyan;
ang mga tola may komposo
ang sinoldok pa da
Pepey may ni Papo.
Ayra ta tang mga ana mo Agutayan?
Bino-wanana ra.
Ayra ta tanirang initong-itong mo,
kineget-keget mo
on debdeb mong mabanglo?
Ayra ta tang mga ana mong
agtoboan mo ta mga pa-bat mo,
ang nagalin ong koma, bokid may talsi mo?
Anday balied-balied,
bino-wanana nira,
tenged getay-getay da
tang mga poyad mo.
Namagdilem ta kinao-yan
agod ipabogal mo.
Abaw, Agutayan!
asing bo-wanan tang mga boto mo
tang niong doyan.
Nalipatan da ngani nira
tang mga kantang
kinanta mo ong doyan;
ang mga tola may komposo
ang sinoldok pa da
Pepey may ni Papo.
Ayra ta tang mga ana mo Agutayan?
Bino-wanana ra.
Ayra ta tanirang initong-itong mo,
kineget-keget mo
on debdeb mong mabanglo?
Ayra ta tang mga ana mong
agtoboan mo ta mga pa-bat mo,
ang nagalin ong koma, bokid may talsi mo?
Anday balied-balied,
bino-wanana nira,
tenged getay-getay da
tang mga poyad mo.
Namagdilem ta kinao-yan
agod ipabogal mo.
Abaw, Agutayan!
from: Ginotay-gotay
A Collection of poems in Agutaynen, Filipino and English by
Peregrina A. Rauto Llavan
with illustrations by Joseph Llavan
2 comments:
Ang kasinlong pisan tang mensaheng agpakabot tang tolang na ni Nay Perigring. Pisan lamang ag dede'dek ong popotokon ta. Kayadi ra kaman ang namag-alin ong banwa... ongayra ra kaya tanira? Ag guegman pa ka bato nira tang lugar ang binaelan nira? ang mga talsing pinandelepan nira eg nagtorol ta yan may mga silik ang nagbui ong nira? ... agma-len pa ka nira tang tanek ang promirang nilikedan nira, eg nagtorol ong nira ta pamangan nira? Ay ang bitalang Agutaynen, ba-to gatawanan pa ka nira?...
nibagla pisan aming gabereng kung sinoa pa engued. ang mga mamolang agpa-nibagla poros ampo ni Lolo Omay may ni Lola Ema.
madalem tang Agutaynen mo, siguro may edad mo ra ka. ong yamen ang mga kabatan, labi pa ang mga mola mandyan, pamag-tagalog da ngani. Naba-yano ang mga taga-SIL namagbalik si ka ong Agutaya, balampa ang next project nira diksyunaryong Agutaynen da. Mabael tang tabang nira ong pag-preserve tang bitalang Agutaynen.
nibagla mag-contribute a ka ta articles ang i-post tarin para mas tagumpay tang site tang mga Agutaynen.
Salamat
Post a Comment