Diit [litrato ni nibagla]Ang Bogtong - Bulkan?
Indi amo gabereng angay doro-dorong mga bato ong Agutayan? Mababael paman tang doma.
Ang adal (research) tang Philvolcs ay na - Ang Bogtong, Diit, Maracañao,Matarawis, pati Bisucay, Aguado ong Cuyo, ay mga bulkan. Siguro, ribo-ribong takon da tang nagtalib asta oring limimpok tang bulkan ang nagsabog ta doro-dorong mga lava, na yaray ang mga bato mandian. Pero, gata-wanan mi na ang Paragua (mainland Palawan) ay luwa ong "ring of fire". Anday faultline na, ig anda kay bulkan na tang mainland Palawan. Maliag yaneng ta na, ang mga isla tang Cuyo, Agutaya, may alelenget pang mga islang gere-ley ay parti tang "geological composition" na tong mainland Palawan.
Anday Agutaynen atan ang geologist, o galiag ang maging geologist para mapagsaysay ta masinlo ong yaten?
Mangadi ita lamang na ipalawid ka tang disgrasya ong banwa ta. Diba, ang Bukid tang Pinatubo, andang pisan ay paglaom ang bulkan, asta gulping limimpok sing 1990 na nagpalwa ta doro-dorong lava, pagkatapos nang napuyat ong teled ta ginatos-gatos ang takon?
1 comment:
Matuod tang pinost mo na animan dorong bato ong Agutaya tengued ong mga bulkan ang namansilpok ribo ribong tacon da tang simina-leb. Mga bale isipen, oben i "classify" ang mga bato atan ong yaten ay "volcanic rocks", namag alin ong mga namansilpok ang mga bulkan. (Indi lamang mata'wanan ta mga ongaypa tang mga bulkan ang ais, tengued anday mga records). Maski mga manaid amo, ang bato ong yaten, parte ong domang getaen ta ong domang rugal, lagem eg ratang ratangan, con baga, gaingen "unique". Animan, pasalamat ita ra lamang, ig ipalawed ka ngued ang may bulkan amh alenget ong yaten...ang mapuyat da lamang tanandia.
Tata pa, ang bulkan, belag lamang tang gitaen tang mga bukid ah...may bulkan ka ong idalem tang talsi. Dun ong may Babuyan Channel ong cambian tang Archipelago tang Pilipinas, may bulkan dun ang dati indi gitaen tengued asi tanandia ong idalem tang talsi, mandian, limimpok, ba'lo pa inita tang Phivolcs na may bulkan pala dun.
Ipalawed da lamang!
Post a Comment