Thursday, December 4, 2008

Regalo ni Klasmeyt!



TE-MA: Onopa tang pinaka-indi-malipatan mong regalo ang naresibi mo sing pagadala pa ong high school may elementary?

click comments

4 comments:

bucao said...

Sia yang indi malipatano ang pirming garisibio. Sabon, posporo, may pork and beans! Teta Ligo!

Siguro ang pagbuat tang regalo ang tindan yang may talak? hehe.

bucao said...

Ang indi malipatano ong Krismas Party amen sing Grade IV ami under ni Madam Vicky Nangit.

Matapos tang party, paranganan may parlor games, pinaated ni madam tang na-dang pansit ong balay nira. Siempre yami ni Janice Edep yang nagprisintar. Makabot ami ong balay ni madam, siyempre naletem ami ong kayam, kimina-yat ami ka lagi ong papa tang kamias, oman pinangan amen da tang pansit. Maramal pagteled amen, tine-ma ni madam mga sinopay namangan tang pansit....

Siyempre mautak tang mga higante ong Bancal, ang ampo ni Lolong Oloy may Lolong Omay [hehe], ganing ami ang classmate amen ang taga-Abagat [Lea india masilag!] haha.

Naginiyak da si klasmeyt, oman siguro nagbeg ong nanay na [ugali tang mga mola mga may kasuay, kumabot tang apon, arumana ra tang nanay na ong eskwelan], don da nakaalaman! Ininangan ami pa ta malala-ket!

Ang eksena natabo ong papa tang kaumangga dun ong may classroom tang Grade IV!

nibagla said...

Ha ha ha, sosyal amo ra ngani Bucao sing oras mi.

Ang yen, ang indi malipatanong regalo ni klasmeyt ay natabo sing Christmas Party amen ong Grade 2. Monopa, ang sindol tang monito ay linagang saba ang tambilog, binungot ta papel ta Grade II. Pisano rang pinungawan pati naglaen tang pamasi o ay pirmio kang gapangan ta sabang linaga ong balay. Magang masyadong ordinaryo ong yen sing regalong asi. Siguro, tengued molao pa, pag elato ka rin ta mas masinling regalo. Pala, yang gatabo kung pag expect ita ta masyado, pag indi ma meet tang expectations ta, ga frustrate ita ta usto.

Orira naintindiano tang konseptong "it's not the value that counts, but the thought that counts." Dapat ngani, ipagpasalamato na nagpatikaseg pa tang monito ang naglaga ta ponsing saba para may iregalo na ong yen. Pero, nagturol ta masinlong leksyon sing bagay ang asi ong yen...Na indi ta dapat mag expect ta masyado,para indi ta mafrustrate o maglaen tang nem ta, Ig ang mas importanteng leksyon, ang matud ang ispiritu tang Pasko ay ang pagdemdem ig pag guegma ong aruman tang tao, belag tang mga material lamang ang bagay.

Unknown said...

Si bato mga anday materyal ang bagay ang i-dol mong monito mo, sing simpleng pag bati lamang ta merry xmas, bato don ka tang matud ang espitiu tang pasko, magang yawa pa tang pama-dol.