Wednesday, July 30, 2008

May tatang Maistra

May tatang maistra ong tokaw,
Ang ka-kawa-kawan ang nagpabo-kad tang isipo;
Tanandia tang agmalenong maistra ong primero grado.
Gata-wananong mepet da si Madam mandian,
Piro ong isipo ang gabo-wan ay ang itsora nang
Mola pang kasinlo-sinloan.
Konsoilong pa-dekan mga magolag ang paglibot,
Ang pagetel ta maloay tang kabala tang mga klasmitong
Mairingal, masiadong maraolag;
Kalalakan tang sinangoni naasta mga kakay,
Mga tata-lib kabanglo tang gabo-wan.

Indi ami naboay ang naintindi tang liksion,
Dorong kaklarong magbitala, madaling intindien.
Indi paginiteg, obin gasilag ang pario ta domang midio liyon;
Kaosay ang maistra, gileg ong yamen ang pagkayam.
Paginimod, pagtayaw, midio parario ami lamang,
Paborito amen tang mga istorya na.
Tata rang dailanang agmalen amen tanandia,
Gapoaw aming panalakinep,
Ang pagtay ami ong mga barko may iroplano,
Yading sina-liban amen-
Ang malala-bang ang talsi, mga bokid may patag,
Kinabot amen tang mga inadian may siodad.

Nagalin ong banoa tatang mapongaw ang kaldaw,
Gildaweno ra ka rin ong yadoang nanayo,
Ang isipo ponok ta masisinlong andemanano,
Asing molao pang maistrao pa si Madam.
Anda rang pisan ay gabalitano ong nandia;
Solo naming masisinlong andemanan,
May ang mo-yang kostombring pinaita na,
Ang mas pa ka mal ong tanan ang manggad;
Ang ipatoblio ka ong mga anao agod mangamalamad.


Nagalin ong: Ginotay-gotay
ni Peregrina A. Rauto Llavan
Ang librong na ni Mrs. Llavan ay may illustrations ni Joseph Z. Llavan

1 comment:

agutaya said...

There was a Teacher

Once I had a teacher in grade one,
To this day I still think of Madam;
She’s old now, I know; but in my mind,
She’s pretty and young.
She would gracefully move about
With steps so light as she tiptoed
To pinch a naughty pupil lightly on the arm;
And when she passed my aisle
Hmmmm! A sweet fragrance lingered behind.

We learned our lessons very easily;
She taught so well and pronounced words carefully.
No, she did not shout like others of her kind,
She played with us, she was fun –
As she sang and danced before the class.
She took us to dreamland,
For storytelling was her forte.
We rode on ships and airplanes
To foreign lands; we crossed vast oceans
Over mountains and plains,
Till we landed in old castles and palaces,
Then shook hands with kings and queens,
With ministers and princesses.

One gloomy day Madam left,
How I yearn to see her once more;
My mind is full of tender memories,
Of my teacher, my second mother.
Where can she be now? Nobody knows;
There’s nothing left but the values she instilled
Which are more precious than gold,
Values that I too have taught
So my grown-up children, who
I am proud to say, are true and good.