Tegka aypa tang guegmang ganingen mo?
Mga ang banuang pisan ang gambligan mo
Reges ang agkalawen ta mga karaho
Dayon ang disparatisen ong talunga mo mismo.
Ma-det ong puputokon, doro pungaw indi man isipen
Tenged yawa ang tribo don anda ra ay turobliyen
Ang mada-lang da-langa onopa pay importang balyeden
Ang pobreng sugod mo inurab da tang trampas ang manggaden
Mo-ya bato ong pamasi mo?
Yawing may balangay yawa pay lumu-bo
Agud lamang sintar ang mapamondo
Tang among mamo-log ong nio.
Indio! Mga yen ka lamang ang tata
Pangerengano ta melet kinuman ni mama
Kisihodang mamagbarangkawan ita
Basta gata-wananong tu-lid tang yen ang bandira.
Maski siguro ong nirang dumaduma
Ang kalawan ta pagkabetang malain ka
Aningen mang adi tang mando ta sia
Manakaw ta binedlayan, pandegdeg ig magpundar ta gira.
Ong maning tana ang pagkabetang
Yading trampas and anda ay pantang
Diplomasya ig titulo belag ta kaministiran
Isi ong isi, iteg tang pana-pawan
Mandian, kiminabot da tang tempo
Na ang matu-lid yaray gadihado
Ang bu-tot pagimong tu-lid
Samantalang ang matod asing bubulidbulid.
Mabuat man ig belag ta maningdon kaklaro
Narin lamang tang maliag ang ipakaboto
Pinundaran ig binedlayan ni pepeyo
Ginegman ig pinrotektarano
Indi kanay trampasen mo
Indi sia agpadisparates ong nio
Respetaren mong teritorio
Indi kamkamen ig angkenen mo
Mate-beka ong kaampo ampoano
Eldana ong Gino
May te-kana tang kalainan mo.
Indi ita padegdeg ong mga dayong pamagtrampas tang pagbetang ta.
Anday respetar nira ong gambligan tang pinundaran pa tang mga ginikanan tang ginikanan ta.
4 comments:
Bravo! Ayos Aing-Panskie tang berso mong na.Pagpaeta tang eteg tang nem mo, ig guegma mo ong mga benedlayan ig pinrosigiran tang mga guinikanan mo.
pamuaw lamang na manang nibagla ong mga anek ang kinaisipan tang mga lugod ta na maski agdegdegen da indi mangatuman ang kendeng ong sadiling kakay nira agud bumatok, ang maski agpamo-log da inding pisan pamansi ibek ibek, agtutulmon da indi pa mangatuman ang mamangalima... Yading mga kalugudan ta mandian ang pinangalawan ta tanek nira ong dubali pero anday boses nira. Ag panabangan ka rin tay indi mangatuman ang mamangerengan. Ang doma nangasilaw ong pirapang kantidad, ra-rat ang tanan. Inding pisan inisip nira mga onopa ay matabo ong nira mga ang pagkabetang nira anda ra. Ang tanek sia atan tegka mabunao tang kalibutan pero ang kuarta, pera pera lang yan, it is evanescent.
Paaman ka na ong henerasyon amen ang mga mola mandian na dapat magpamalala ami tang pagkabetang ang pinangpundaran tang mga ginikanan amen. Ig indi ami magsubmit ong mga lider ang mapagsamantala tengued mga indi ami matakong mangerengan andang pisan ay kambuan amen ta ong ta-paw ta kalibutan.
Batok basta ong katu-lidan!!! Xa tang molang agutaynen.
na kaman doroag kaeteg!!!
mga maeng din kaman mabasa karin nira na..siguro puaw enged...
mahdian pamanalakinep pa tanira..hehehe...
labanan kakaman kuarta kuarta ra pa man mandian...
protektaran ta kaman tang yaten ang banoa...
batok panzkie!!! batok ita!!!
kendeng ong tamang pakikipaglaban...ong tamang laban para ong dumaton ang henerasyon..cguro para ong dumang mga taga yaten na ang mga paryo ang belag ta purong agutaynen ong dugo ay indi pamagtiwala ong pagmal ang agpapaita amen ong banwang pinagalinana ig pinagkautangan ta nem....tata lang tang maningo maski maindon tang telek mi..tata lang tang maningo.. na itang tanan ay may karapatan ang mamilik tang yaten ang galiagan pero may tegkan na ka..kelangan tang isepen kung may masitan ta obin may mapambeng ta...ayo c linupak...half blood man..pero full love para ong yen ang banwa ig kasimanwa maski ari pa ilek tang yaten ang mal ang GINO...aing panzkie..mabaked ang kapanalig tang dugong anarkista...
Post a Comment